Saturday 12 January 2013

" ഭ്രാന്തന്‍ "


വേദനിക്കുന്നു എനിക്കെന്‍റെ കാലുകള്‍ 
ചങ്ങലയാല്‍പൂട്ടി നീ നേടിയതിന്നെന്താണ് 
ഭ്രാന്തനെന്നെന്നെ വിളിച്ചു നീ കളിയാക്കി 
ലോകത്തിലാരുണ്ട് ഭ്രാന്തില്ലാ മനുഷ്യരായ്‌
ക്രോധവും മോഹവും ഭ്രാന്തിന്‍റെ രൂപങ്ങള്‍ 
നീചമീ ലോകമോ ഭ്രാന്തിന്‍റെ തൊട്ടിലായ്
ചിലര്‍ക്കത് കാണാം പണമെന്ന രൂപത്തില്‍ 
മറ്റുചിലര്‍ അവര്‍ക്കധികാര രൂപത്തില്‍
ആവതില്ലാത്തൊരീ എന്നെ നീ ബന്ധിച്ചു 
മുഴുഭ്രാന്തന്മാര്‍ പുറത്തായ്‌ വിലസുന്നു 
കണ്ടതു കാണാത്ത നിന്‍ കണ്ണില്‍ തിമിരമോ 
ഇരുട്ടറയില്‍ ഞാന്‍ അലറുന്നു തേങ്ങുന്നു
തരികയൊരവസരം അതെനിക്കായ്‌ മാത്രവും 
കാണിക്കാം ഈ ഞാനും ഭ്രാന്തേറും മനുഷ്യരെ 
വേദനിക്കുന്നു, അഴിച്ചുവിടൂ,, ഞാനല്ല ഭ്രാന്തന്‍ 
യെന്‍യാചന തോന്നുന്നോ നിനക്കിതുമറ്റൊരു ഭ്രാന്തായ്‌


Krishnadas,,,,